Himnesk tómata grænmetissúpa

Kröftug og góð og fljótleg tómata og grænmetissúpa

Efni:
2. hvítlauksgeirar
1/2 kúrbítur
1-2 paprikur
hálft blómkálshöfuð
jafnmikið af brokkolí
1. sæt kartafla
1. dós "diced" tómatar
1. dós pastasósa
1 l. grænmetissoð
3. lúkur af pastaskeljum
Ítölsk græn krydd að eigin vali
salt og pipar
Sletta af olíu

Meðhöndlun
Allt grænmetið er skorið fremur smátt og skellt í stóran pott með smá slettu af ólífuolíu og steikt þar til mjúkt. Þá er niðursoðnu tómötunum og pastasósunni bætt útí og grænmetissoðinu. Þetta er látið malla svo í a.m.k. 20 mínútur (verður betra ef það er látið malla lengur, mæli með alveg upp í 45 mín.) seinustu 10 mínúturnar eru pastaskeljarnar settar útí og súpan er í raun tilbúin þegar þær eru soðnar. Gott er að rífa parmasen yfir súpuna þegar hún er borin fram. Mæli með góðu hvítu brauði með henni.

Sendandi: S. Arnar <orraholar@simnet.is> (14/08/2008)