Krambúleraðir klútar
Óskilgreindar uppskriftir
kankvís og létt
Efni:
1 stk klútur, grænn og gauðrifinn
2 dl hreistur af ýsu
18 g sumar í sveitum
300 g merktur loðinbarði,helst súr
2 stk nótur í C-dúr
100 ml augnasviti af fugli dagsins
13 stk trosnaðir ullarsokksendar,óþvegnir,
2 kg mold úr flagi
1 glott af meyrum bónda og gömlum
Meðhöndlun
Takið klútinn og troðið honum ofan í endalausa vitleysu og smyrjið augnsvitanum kringum svo vel sé. Kreistið því næst helvítis hreistrið sem mest þið megið og klínið utan í loðinbarðann,en athugið að hann verður að vera alveg kyrr. Syngið þá nóturnar, ófalskt, og látið því næst ullarsokksendana bara í vasann hjá kerlingunni bak við hurðina, hún á hvort sem er ekkert að vera þar. Þessi 18 g af sumrinu, er best að hrista saman við örlítinn vetur og velta upp úr sláttuvélarbensíni og veina kveinandi og slá nágrannann utan undir með blautri tusku. Moldin getur svo bara verið þar sem hún hefur alltaf verið en njótið þess að hafa glott meyra bóndans á ykkar eigin vörum. Er þetta þá allt eins og vera ber, og verði ykkur að góðu!
Sendandi: Petra Björk Pálsdóttir <kotabyggd1@gmail.com> (29/01/2013)