Nautabuff

Buff úr nautahakki, tilvalið til geymslu og búdrýginda

Efni:
2 kg. nautahakk
6 stk. egg
4 msk. hveiti
1 stk. stór laukur
3 stk. hvítlauksgeirar
1 stk. ferskur rauður Chili pipar
1 msk. salt
1 msk. paprikuduft

Olífuolía til steikingar

Meðhöndlun
Nautahakki og eggjum er hrært og vel blandað í stórri skál.
Laukur saxaður, Chili fínsaxaður og hvítlauksgeirar pressaðir. Blandað saman við hakk- og eggjablönduna.
Kryddað og saltað (verið spör á krydd og salt - auðveldara að krydda eftir á!).

Öllu hrært vel saman. Hveiti blandað saman við í skömmtum (matskeið í senn er ágæt) til að fá þétta blöndu sem tollir vel saman.

Ólífuolíu hellt á heita pönnu. Hæfilega stórar kúlur búnar til úr hakkblöndunni og smellt á pönnuna, þjappaðar svolítið niður til að fá hæfilega stór og þykk stykki úr hverri kúlu.

Steikist í gegn, nokkrar mínútur á hvorri hlið (fer eftir þykkt).

Það sem ekki á að borða í það sinnið, er fínt að raða á disk, leyfa að kólna, pakka svo í poka og frysta.
Úr frystinum þarf svo aðeins að kippa buffinu út með 30 mínútna fyrirvara, og hita upp á pönnu.

Heimagerð kartöflustappa er nauðsynlegt meðlæti. Grænar baunir skemma ekki fyrir.

Sendandi: Sigurður Axel Hannesson <sah@iceware.net> (31/01/2013)