Súkkulaði- döðluterta með bananarjóma

Brauð og kökur

Góðir botnar með ferskum bananarjóma og gómsætu súkkulaðikremi Uppskrift úr "Nýir eftirlætisréttir"

Efni:
Botnar:
4 egg
150 g sykur
50 g hveiti
1 tsk lyftiduft
100 g suðusúkkulaði
100 g döðlur

Súkkulaðikrem:
3 eggjarauður
4 msk flórsykur
100 g suðusúkkulaði
2 1/2 dl rjómi
2 bananar

Meðhöndlun
Botnar:
1. Þeytið saman egg og sykur þar til blandan verður létt og ljós. Hrærið saman hveiti og lyftiduft og blandið varlega saman við.
2. Brytjið suðusúkkulaði og döðlur og blandið saman við deigið.
3. Setjið í tvö kringlótt lausbotna form (um 22 sm í þvermál), gott er að klæða botninn með bökunarpappír. Bakið í 180°C heitum ofni í 15-20 mín.

Súkkulaðikrem:
1. Þeytið saman eggjarauður og flórsykur.
2. Bræðið suðusúkkulaðið og þeytið rjómann. Hrærið súkkulaðið saman við eggjarauðurnar og blandið 2-3 matskeiðum af rjóma saman við.

Samsetning:
Stappið einn banana og hrærið saman við afganginn af rjómanum. Smyrjið ofan á annan botninn ásamt hluta af súkkulaðikreminu (byrjið á súkkulaðikreminu). Leggið hinn botninn ofan á og smyrjið kökuna með kremi. Skreytið með sneiddum banana.
ATH. Kremið er ríflegt svo þið skuluð ekki spara það á neðri botninn. Munið líka að skreyta með bönunum aðeins rétt áður en bera á kökuna fram, annars verða þeir brúnir.


Sendandi: Sigga Björk <sbg@felo.rvk.is> (26/11/1998)


UppskriftaWWWefurinn - www.eldhus.is
Ingimar og Siggi