Heit ávaxtabaka
Brauð og kökur
Mjög fljótgerð og ljúffeng bæði með kaffinu ef óvæntan gest ber að garði og sem ábætisréttur.
Efni:
1 bolli hveiti
1 bolli sykur
1 stk. egg
1/2-dós niðursoðnir ávextir með safanum -blandaðir ávextir eða hverjir þeir sem til eru í kotinu.
1/2 bolli púðursykur
1/2 bolli kókosmjöl
rjómi eða vanilluís
Meðhöndlun
Hveiti, sykri, eggi og ávöxtunum ásamt safanum blandað saman - ávextirnir settir síðast.
Látið í eldfast mót. Púðursykrinum og kókosmjölinu stráð yfir.
Bakað í miðjum ofni við 200° í 30 mínútur.
Borið fram heitt með þeyttum rjóma eða vanilluís og etið með góðri lyst.
Sendandi: Hallmundur Kristinsson <hallkri@ismennt.is> (08/12/1995)