Grænkálsbaka

Ég vissi aldrei almennilega hvernig ætti að nota grænkál... en hef nú tekið uppá því að nota það eins og spínat, þ.e. í bökur,pastarétti og (kryddað og soðið) meðlæti með réttum. Í þennan rétt væri gaman að prófa múskat og önnur krydd sem henta spínati.

Efni:
Deig: 150 g hveiti, 4 msk vatn, 3 msk smjör eða smjörlíki, 1/2 tsk salt.
Fylling: 200g grænkál, 3msk olía, 1/2 sítróna,1tsk salt, 1/4 tsk pipar, 2 hvítlauksrif,40 g möndlur afhýddar, 1 dl vatn.
Ostasósa: 100 g ostur, 1 dl mjólk eða rjómi,3 egg.

Meðhöndlun
Deig: Hnoðið saman efnunum og þrýstið deginu í smurt form u.þ.b. 2o -3o cm í þvermál. Bakið í 8 mín. við 200 gráðu hita.
Fylling: sneiðið grænkálið (hendið stönglunum þar sem þeir eru trefjaríkastir) og léttsteikið í olíu . Bætið vökva og kryddi útí og látið malla undir loki í fimm mínútur. Saxið möndlurnar og blandið þeim saman við.
Ostasósa: rífið ostin í skál og hrærið mjólkinni (eða rjómanum) og eggjunum útí
Hellið fyllingunni yfir botninn og hellið svo ostasósunni yfir. Bakist í 30 mín. við 200 gráðu hita.

Sendandi: Halldóra Thoroddsen <thordora@ismennt.is> (23/08/2000)