Krókettur

Kartöflumeðlæti. Þetta er mikið moj. Einungis gert einu sinni á ári á mínu heimili og þá tvöföld uppskrift með kalkúni á gamlárskvöld!!!

Efni:
1 kg.bökunarkartöflur
100 gr.smjör
2 eggjarauður
hvítlauksduft (smakkað til)
salt (smakkað til)
2 eggjahvítur
brauðrasp

Meðhöndlun
Fyrst eru kartöflurnar flysjaðar og soðnar í saltlausu vatni. Þegar þær eru soðnar sker maður þær í búta og lætur inn í 100 gráðu heitan ofn í ca.15 mín. til að þurrka þær. Því næst eru þær marðar og stappaðar alveg í spað. Smjöri eggjarauðum, hvítlauksdufti og salti bætt í. Svo myndar maður litlar ílangar bollur úr kartöflustöppunni, veltir þeim upp úr eggjahvítunum og svo raspinu og djúpsteikir svo aðeins eða þar til brauðraspið hefur brúnast aðeins. Og voila, króketturnar eru tilbúnar.

Sendandi: Friðrika Kristín Stefánsdóttir <fridrika@flott.is> (30/12/2000)