Vatnsdeigsbollur
Brauð og kökur
Með allra bestu bollum, held ég!
Efni:
2,5 dl vatn
50 g smjörlíki
salt á hnífsoddi
175 g hveiti
4-6 egg
2 tsk. lyftiduft.
Rjómi
ávaxtamauk
brætt súkkulaði.
Meðhöndlun
Vatn, smjörlíki og salt soðið. Tekið af hellunni þegar sýður og hveitið hrært út í. Sett á helluna aftur og hrært vel í mínútu.
Þá er deigið sett í skál og látið kólna. Svo eru eggin, eitt og eitt í senn, hrærð saman við þar til deigið er hæfilega þykkt. Þá er lyftiduftið sett út í.
Sett á hveitistráða plötu með skeið eða sprautupoka.
Bakað við 180°C í ca. 30 mín. Fyrstu 20 mínúturnar má EKKI opna ofninn, því þá falla bollurnar.
Að bakstri loknum er toppurinn skorinn af og rjómi og ávaxtamauk sett á milli. Súkkulaði brætt ofan á toppinn.
Etið með góðri lyst.
Sendandi: Hallmundur Kristinsson <hallkri@ismennt.is> (18/02/1996)