Pönnukökur
Brauð og kökur
Gamaldags Pönnukökur eins og amma bakar.
Efni:
250 g hveiti
1 tsk lyftiduft
1/2 tsk salt
6-7 dl mjólk
25-50 g smjörlíki
2 egg
Meðhöndlun
Hveiti, lyftiduft og salt sett í skál. Mjólk og egg hrærð saman við, þangað til passlegri þykkt er náð. Þá er smjörlíki hellt saman við (það var auðvitað brætt á pönnunni fyrst).
Þá er komið að skemmtilega partinum. Takið tæpan dl. af soppunni og hellið á pönnuna, um leið og henni er snúið til að dreifa soppunni yfir alla pönnuna.
Til að þetta gangi þarf hitinn á pönnunni að vera passlegur, og soppan akkúrat passlega þunn. Síðan er losað um kökuna og henni snúið með pönnukökuspaða.
Endurtakist eftir þörfum.
Sendandi: Kristbjörn Gunnarsson <a95krigu@ida.his.se> (29/02/1996)