Bláberjaostakaka
Brauð og kökur
Bláberjabomba út og í gegn
Efni:
Í botn
200 gr ósaltað smjör
1/2 pk. Homeblest súkkulaðikex
1/2 pk. Grahamskex
Í fyllingu
1 peli rjómi
200 gr rjómaostur
1 lítil dós af bláberjaskyri
1/2 bolli flórsykur
Ofaná
Bláberjagrautur eða bláberjasulta
Meðhöndlun
Bræðið smjörið og myljið kexið út í. Hellið þessu í botninn á kringlóttu fati. Jafnið botninn út í allt fatið.
Þeytið rjómann.
Þeytið saman rjómaostinum, skyrinu og flórsykrinum. Þeytið þar til blandan er kekkjalaus. Hrærið þá rjómanum varlega út í. Hellið blöndunni yfir kexið og smyrjið blöndunni varlega yfir það.
Að lokum er bláberjagrautnum hellt yfir kökuna. Ekki láta mjög þykkt lag.
Kælið í tvo tíma áður en kakan er borin fram.
Auðveldlega má breyta uppskriftinni með því að skipta út bláberjaskyrinu fyrir jarðarberjaskyr. Ofaná þá köku er gott að setja jarðarberjahlaup. Fallegt að skreyta með jarðarberjum skornum í helminga áður en hlaupinu er hellt yfir.
Sendandi: Jóhannes <johannes@strik.is> (05/02/2002)