Skyrterta með jarðarberjum
Brauð og kökur
Mjög góð á veisluborðið eða þá sem eftirréttur
Efni:
1 stór dós jarðarberjaskyr
1/2 dl sykur
2 egg
1 tsk vanilla
5-6 matarlímsblöð
1 peli þeyttur rjómi
örlítil mjólk og vanilludropar
Botninn:
1 pakki Homeblest-kex
2-3 msk brætt smjör
Meðhöndlun
1, Kexið er mulið og bræddu smjöri hrært saman við.
2.Mylsnunni er þrýst í botn á djúpu formi.
3. Eggin þeytt og hrærð með sykrinum og sett í skál. Rjóminn þeyttur.
4. Matarlímið lagt í bleyti í kalt vatn og látið linast. Síðar er vatnið kreist úr því og það brætt í vatnsbaði. Látið kólna smástund.
5. Skyrið er hrært og eggjablöndunni blandað saman við.
6. Örlítilli mjólk og vanilludropum hrært út í matarlímið svo hitastig þess verði fingurvolgt. Þá er því hrært varlega út í skyrblönduna. Síðan er rjóminn hrærður saman við og blöndunni hellt yfir kexmylsnuna í forminu og látið stífna í ísskáp í nokkra klukkutíma.
7. Skreytt með jarðarberjum og/eða öðrum berjum
Sendandi: Yrsa <yrsag@hotmail.com> (29/06/2003)