Kalkúni - heslihnetu- og sveppafylling
Kjötréttir
Heslihnetu- og sveppafylling
Efni:
150 gr. smjör
350 gr. nýir sveppir
200 gr. laukur
1 stilkur sellerí
½ búnt steinselja eða 2 msk þurrkuð
1 msk. salvía
300 gr. góð skinka
100 gr. heslinetur
150 gr. brauðteningar (u.þ.b. 3 bollar), heilhveiti eða hveiti.
3 stór egg
2 dl. rjómi
½ tsk. salt
1 tsk. Ferskmalaður pipar
Meðhöndlun
Sneiðið sveppina.
Saxið laukinn, selleríið, steinseljuna og skinkuna smátt.
Bræðið smjörið í stórum potti og látið grænmetið ásamt steinseljunni, salvíu og skinkunni krauma í smjörinu í 10 mínutur eða þar til grænmetið er orðið mjúkt.
Bætið nú heslihnetunum og brauðmylsnunni í pottinn og látið fyllinguna kólna lítillega. Hrærið þá eggjunum og rjómanum saman við og kryddið með salti og pipar. Ef fyllingin verður þunn má bæta örlítið af brauði við.
Fyllinguna má útbúa daginn áður en fyllið ekki fuglinn fyrr en rétt áður en hann er steiktur.
Ekki er nauðsynlegt að úrbeina fuglinn en það verður samt betra þar sem bragðið af fyllingunni fer í fuglinn og öfugt. Passið að fylla fuglinn ekki of mikið því hann tútnar út. Afgangsfyllingu er best að setja í form og baka í ofninum með fuglinum með álpappír yfir.
Njótið! Fyrstur kemur, fyrstur fær, ef þú kemur of seint þá er þér nær!
Sendandi: Gunnar Þór Gunnarsson <gunnarthor@heima.is> (22/12/2004)