Frönsk Súkkulaðikaka a la Þórný
Brauð og kökur
Mjög góð frönsk súkkulaðikaka
Efni:
KAKAN
200 gr smjör
200 gr suðusúkkulaði
4 egg
2 dl sykur
2 dl hveiti
heslihnetur eftir smekk
KREM
150 gr suðursúkkulaði
75 gr smjör
2 msk síróp
1/2 - 1 askja fersk jarðaber (til skreytingar)
Meðhöndlun
KAKAN:
Bræðið saman smjör og súkkulaði við lágan hita. Þeytið saman egg og sykur vel eða þar til að blandan verður létt og ljós. Blandið súkkulaðiblöndunni varlega saman við eggjablönduna. (ég helli bara með mjórri langri bunu útí..) Hrærið því næst hveitinu og heslihnetunum saman við. (ég sleppi hnetum) Setjið í 22 cm form með lausum botni (minn hefur verið fastur) ekki smellufrom, klætt með smjörpappír (ég hef ekki gert það) og bakið við 175 gráður í 40-45 mín í meðalheitum ofni. Smyrjið kreminu yfir kökuna og skreytið með jarðaberjum.
KREM:
Bræðið allt saman í potti og látið kólna aðeins áður en sett er á kökuna.
Sendandi: Þórný Birgisdóttir <thornyhp@simnet.is> (22/05/2005)