Mexíkanskur eðalréttur

ótrúlega góður mexíkanskur réttur með kjúkling og hrísgrjónum

Efni:
4 kjúklingabringur (eða einfaldlega niðurskornir kjúklingabitar)
1 poki enchilada mix frá Casa fiesta
Hrísgrjón frá Uncle bens
2-3 hvítlauksrif
2 afhýddir tómatar
1 laukur
8 stórar tortillur (pönnukökur)
rifinn ostur
salsa sósa

Meðhöndlun
Skerið kjúkling niður í litla bita og steikið upp úr olíu á pönnu. Á meðan hann er að steikjast þá geriði sósuna úr pokanum. Setjið 3,5 dl af vatni útí og hrærið þangað til að sýður í og látið þá malla á lægri hita í ca 5 mín eða þar til sósan þykknar. Svo þegar kjúklingurinn er næstum búinn hellið sósunni yfir og látið malla á mjög lágum hita. Aftan á uncle bens hrísgrjónunum getið þið svo valið fyrir hversu marga þið viljið gera hrísgrjón. Þessi réttur miðast við 4 (vel útlátið). Svo að yfirleitt er gert fyrir fjóra.
Þá látið þið vatnið sjóða og þegar suðan kemur upp setjið þið hrísgrjón, hvítlauk pressaðan úr hvítlaukspressu, fínsaxaðan laukinn og teningaskorna afhýdda tómatana útí. Setjið lok á og lækkið hitann og látið malla í 20 mín eða þar til hrísgrjón eru tilbúin.
Setjið svo vel af olíu á pönnu og hitið vel, setjið svo pönnukökur ofan í og steikið ca 30 sek á hvorri hlið og látið svo þorna á t.d. eldhúsrúllu eða e-u sem dregur örlítið í sig olíuna. Hitið ofninn á 200°C.
Takið svo pönnukökurnar og setjið hrísgrjón og kjúkling ofan í. Brjótið svo saman eins og pakka. Leggið pakkan svo á grúfu (opna hliðin niður) í eldfast mót. Setjið svo vel af salsa sósu ofan á "pakkann"(eða pönnsuna) og rifinn ost yfir. Svo þegar allir "pakkarnir" eru tilbúnir þá er þetta sett inní ofn og haft þar til osturinn bráðnar. Borið fram með salati og sýrðum rjóma.

Sendandi: Gulla <gulla@isnet.is> (24/07/2005)