TILBÚIÐ PIZZADEIG (upprúllað og útflatt í smjörpappír - fæst í nóatúni og fleiri verslunum)
eða heimatilbúið (ef þú ert ekkert svo löt/latur)
Tillaga að innvolsi:
1) pizzasósa, pepperoni, skinka, ananas
2) pizzasósa, nautahakk (eldað!), græn paprika og sveppir
3)pizzasósa, pepperoni, nautahakk, skinka, græn piparkorn og svartur pipar
4) rjómaostur, ólífur, sólþurrkaðir tómatar
5) paprikusmurostur, skinka, pepperoni
ostur
heitt pizzakrydd frá pottagöldrum
|
Rúllið í sundur deiginu á smjörpappírnum þannig að pappírinn virki sem undirlag fyrir deigið. Smyrjið á sósu og stráið innvolsi (áleggi) á deigið. Gætið þess þó að setja meirihluta áleggsins meðfram annarri langhliðinni á deiginu og minnkið þegar ofar dregur að hinni langhliðinni. Að þessu loknu rúllið þið deiginu upp og byrjið á langhliðinni þar sem meirihluti áleggsins er. Þegar upprúllun er lokið þá notið þið smörpappírinn undir brauðið í ofnhilluna.
Áður en brauðið fer í ofninn stráið osti yfir og kryddið með pizzakryddinu.
Bakið við c.a. 200°C í miðjum ofni í 10-15 mínútur.
|
