Pinga (Brasiliskt brennivín unnið úr sykurreyr). Fæst því miður ekki á Íslandi svo ég viti til.
Vinsælast er að nota vodka í staðinn.
Grænar sítrónur, 'limao' eða 'lime'.
Sykur
Hellingur af klaka.
|
Byrjað er á því að skera niður sítrónurnar í báta. Sítrónubátarnir eru settir í glas þannig að þeir fylli u.þ.b. 2/3 glassins. Þá er að merja sítrónurnar í glasinu með einhverju hentugu áhaldi.
Eftir þessa meðferð eiga sítrónurnar og vökvinn úr þeim að fylla 1/3 - 1/2 glasið (vonandi nær 1/3).
Þá þarf að hækka í glasinu um helming með áfenginu, svo nú ætti það að vera fullt að 2/3 leyti.
Ef hristari er til staðar er ágætt að skipta yfir í hann (ef hann var ekki notaður frá upphafi) og hrista blönduna. Annars að hræra aðeins.
Nú er að bæta við sykri, ágætt er að byrja á svona 1 - 1 1/2 matskeið, og hrista eða hræra. Hér ákvarðast hvort drykkurinn verður mjög góður eða bara góður, rétt magn af sykri er mjög mikilvægt.
Ef drykkurinn er of sterkur, þá er að bæta við einni teskeið, hrista/hræra og smakka aftur. Endurtekið eins oft og þurfa þykir.
Að lokum er fyllt upp með klaka, best er að hafa hann brotinn ('crushed'), og hrist/hrært einu sinni enn.
Góða skemmtun.
|
